ރިޟާ

ދެއްވާފައިވާ ޢިލްމާއި ހުނަރަކީ އަގުމަގުން ޢަދަދެއް ދެވެން ނެތްވަރުގެ ބޮޑު ނިޢުމަތެއްކަން ހަނދާކުރާށެވެ. އެއިން ތިމާއަށް ރެކެވޭނެ ޙުއްޖަތެއް ދެއްކި ދާނެކަމަށް ލަފައެއް ނުކުރެވެއެވެ.

މިނިވަންކަމަކީ ހަމައެކަނި ޙައްޤެއް ނޫނެވެ. އެހެންނަމަވެސް އެއީ ވާޖިބެކެވެ. އެއީ ޞުލްޙަ ޙިމާޔަތްކޮށް، ޤައުމަށް ޚިދުމަތްކޮށް،  މަސައްކަތްތައް އިންސާފުވެރި ކަމާއެކު ރުކުރުވާލެވޭނެ ހަމައެކަނި މަގެވެ. 

ޙަލާލުގޮތުގައި ކުރާ މަސައްކަތަކުން މެނުވީ ފެންފޮދެއްވެސް އަރުގެ ތެރެއަށް ދިޔަ ނުދެއްވާށެވެ. ކާމިޔާބުގެ ތަޅުދަނޑިއަކީ ނަމާދު ޤާއިމު ކުރުން ކަމުގައި ހައްދަވާށެވެ. އިސްލާމީ އަޚްލާޤުން އެއްކިބާ ނުވެ، ދުނިޔަވީ ފައިދާހުރި ޢިލްމު ފޯރުކޮށްދީ، އޭގެ މަންފާ ހެޔޮ ގޮތުގައި ހޯދުމަށް ހިތްވަރު ދެއްވާށެވެ.

ތިޔަ ކުރައްވަނީ ދުނިޔެއެއަށް ކައު ކުރެއްވި އެންމެ މާތް ސާހިބާ، އެކަމަކަށް ނުހަނު ތަރުޙީބުދެއްވި މަސައްކަތެކެވެ. 

އެއީ ޙަޔާތުގައި ތިބާ ކުރި އެންމެ ބޮޑު އުއްމީދެވެ. ހާދަ ދުވަހެއްގެ އިންތިޒާރެކެވެ. ތަޙައްމަލުކުރި އެތަކެއް ކެކުޅުމާއި ވޭނީ ކަރުނައިގެ ހަދިޔާއެވެ. އުއްމީދު ކަނޑާނުލައި ދެންނެވި އެތަކެއް ދެންނެވުންތަކުގެ ޢިޖާބަ ކުރެއްވުމެވެ.

މާދުރުގައި ހުރެ އެންމެހާ މީސްތަކުންނަށް ލަޢުނަތްދީ ކުއްވެރި ކޮށްލަ ކޮށްލާ ހުންނަ މީހާއަށް ވުރެ، ކުށްވެރިންގެ މާހައުލެއްގައި ހުންނަމީހާގެ ހެޔޮކަން اللهގެ ޙަޟުރަތުގައި ބޮޑުވެދާނެކަން ދަންނަންވާނެއެވެ.

ހަޤީޤީ ޢިލްމަކީ އަޅާގެ  އަމިއްލަ ނަފްސާއި، އަޅުގެ ޚާލިޤުވަންތަ ފަރާތް ދެނެގަނެ ދިރިއުޅުމުގެ ޙަޤީޤީ މަޤްޞަދު ދެނެގަތުމެވެ. އެހެންކަމުން ޙަޔާތުގެ  މަޤުޞަދު ޙާޞިލުކުރުމަށް ޝަރުޢީ ޢިލްމު ހޯދުމަކީ ތިމާއަށް އޮތް އިޚްތިޔާރެއް ނޫނެވެ.

ތިބާ މިދުނިޔޭގެ ޙަޔާތް ފެށީ އެއްވެސް ކުށެއް ނެތް މަޢުސޫމު އިންސާނެއްގެ ގޮތުގައެވެ. އޭގެފަހުން ތިޔަމަޢުސޫމު އިންސާނާ ތަރުބިއްޔަތު ކުރުމުގެ ޒިންމާވަނީ، އޭގެން ބަރީޢަ ނުވެވޭނެގޮތަށް ބަޔަކާއި ޙަވާލު ކޮށްފައެވެ.