އިސްލާމީ އުސޫލުތަކާއި އެއްގޮތައް ޢީދު އުފާ ފާޅުކުރަމުން އަންނަ ކައުންސިލުންތަކާއި ޖަމްޢިއްޔާތަކަށް ދިވެހިރާއްޖެ އެންމެ ފުޅާކޮށް ދީނީ ހޭލުންތެރިކަން ފަތުރާ މަދަނީ ޖަމްޢިއްޔާ ކަމުގައިވާ ޖަމްޢިއްޔަތުއްސަލަފުގެ ފަރާތުން ހިތްވަރުދީފިއެވެ.

ސަލަފުން މިކަން ބަޔާންކޮށް މިއަދު ވަނީ މީސްމީޑިޔާގައި ޕޯސްޓެއްކޮށްފައެވެ.

"ޢިދު ކުޅިވަރުގެ ނަމުގައި ބޮޑެތި މުންކަރާތްތައް ހިންގަމުން އަންނަކަމީ ކޮޅު ނެތްކޮޅަށް ހިތާމަހުރި ކަމެކެވެ.

ނަމަވެސް މިއަދު ރާއްޖޭގެ ބައެއް ރަށްރަށުގެ ކައުންސިލްތަކާއި ޖަމްޢިއްޔާތަކުން އިސްލާމީ އިމުގެ ތެރޭގައި ޢީދު އުފާފާޅު ކުރާކަމީ އުފާކުރަންޖެހޭ ކަމެކެވެ. އަދި މި ފުރުޞަތުގައި އެފަދަ ކުޅިވަރުތައް އިންތިޒާމު ކުރާ ފަރާތްތަކަށް ހިތްވަރު ދެމެވެ " ސަލަފުގެ ޕޯސްޓް ގައިވެެެއެވެ.

އަދި މީގެ އިތުރުން މިހާރު ކުރިޔަށްދާ 1446 ވަަނަ އަހަރުގެ އަޙްޟާ ޢީދުގައި ދީނުގެ އިމުގެ ތެރޭގައި ޢީދު ފާހަގަކުރާ ބައެއް ކައުންސިލުތަކާއި ޖަމްޢިއްޔާތަކުގެ ފޭސްބުކު ޕޭޖްގެ ލިންކުތައް ވެސް އެޕޯސްޓުގައި ހިމަނާފައިވެއެވެ. އެގޮތުން އދ.ތަނގެތި ޖަމްޢިއްޔަތުލް ޤަލަމުން ކުރިއަށް ގެންދާ ޢީދު އުފާ 1446 ، ހދ.މަކުނުދޫ ކައުންސިލުން ގެންދާ ޢީދު ކުޅިވަރުތައް އަދި ރ.ކިނޮޅަސް ގައި ކުރިއަށް ދާ ޢީދު ފޯރީގެ ހަރަކާތްތައް ފާހަގަކޮށްފައިވެއެވެ. އަދި ހުރިހާ ބޭފުޅުންވެސް އެފަދަ ކުޅިވަރުތައް ފަތެރުމަށް ސަލަފުން ވަނީ އިލްތިމާސްކޮށްފަ އެވެ.

ތިރީގައި އެވަނީ 1446 ވަނަ އަހަރު ގެ އަޟުހާ އީދުގެ އުފާ އިސްލާމީ އިމުގެތެރޭގައި ކުރިއަށްގެންދާ ބައެއް ރަށްރަށުގެ ފޭސްބުކު ލިންކުތައްކަމަށް ޖަމްޢިއްޔަތުއްސަލަފުގެ މީސް މީޑިއާގައި ޝެއަރ ކޮށްފައިވާ ލިންކްތަކެވެ.

1- ބީއެމްއެލް އިސްލާމިކް ޢީދު އުފާ 1446 އދ.ދަނގެތި

ޖަމްޢިއްޔަތުލްޤަލަމް :

https://www.facebook.com/share/16UAKtTWvt/

2- ކިނޮޅަސް ޢީދު ފޯރި 1446

https://www.facebook.com/share/15r3jPazE4/

3- ހދ.މަކުނުދޫ ޢީދު އުފާ 1446

https://www.facebook.com/share/1BV5kgxiGE/

ނޯޓް: ދަނގެތި ޢީދު އުފާގެ ކުޅިވަރުތައް ދާރިސް ޓީވީ ލައިވް ކުރާނެއެވެ.

https://www.facebook.com/share/1JhXHHyFbW/