ދ. ކުޑަހުވަދޫ ގައި ކުރިއަށް އޮތް އަޟްޙާ ޢީދާ ދިމާކޮށް، އަންހެނުންގެ ހެދުމުގެ ފަރުމާތަކަށް ޚާއްޞަ އައު ފިހާރައެއް "އުޚްތީ"ގެ ނަމުގައި މިރޭ ހުޅުވުމަށް ތައްޔާރުވެއްޖެއެވެ.

މި ފިހާރަ ހުޅުވުމުގެ ރަސްމިއްޔާތު އޮންނާނީ މިރޭ 8:30 ގައި އެ ފިހާރަ ހުންނަ އިމާރާތުގައެވެ.

ކުޑަހުވަދޫ ބޮޑުރަސްގެފާނު މަގު، ކުރީގެ ހައުން މާޓް ޕްލަސް ހުރި އިމާރާތުގައި ހުޅުވާ މި ފިހާރައަކީ ވަރަށް ރީތިކޮށް ފަރުމާކުރެވިފައިވާ، ޒަމާނީ ފިހާރައެކެވެ. މި ފިހާރައިން އަންހެނުންނާއި އަންހެން ކުދިންނަށް ބޭނުންވާ ތަފާތު ވައްތަރުގެ އަބާޔާ އާއި، އެކި މުނާސަބަތުތަކާ ގުޅޭ ހެދުންތަކުގެ އިތުރުން، ހެދުމާ ގުޅޭ ގިނަ ބާވަތްތަކުގެ ސާމާނު ލިބެން ހުންނާނެއެވެ.

މި ފިހާރައިގެ ވެރިފަރާތުން މަޢުލޫމާތު ދެއްވި ގޮތުގައި، "އުޚްތީ" ފިހާރަ ހުޅުވުމުގެ މައިގަނޑު މަޤްޞަދަކީ ކުޑަހުވަދޫގެ ރައްޔިތުންނަށާއި، މި ސަރަޙައްދުގެ ރަށްރަށުގެ މީހުންނަށް އެންމެ ފަހުގެ ޒަމާނީ ފަރުމާތަކުގެ ހެދުން ފަސޭހަކަމާއެކު ފޯރުކޮށްދިނުމެވެ. ޚާއްޞަކޮށް ޢީދާ ދިމާކޮށް ގިނަ އަދަދެއްގެ އައު ފަރުމާތައް މިހާރުވެސް ފިހާރައިން ލިބެން ހުންނާނެ ކަމަށް އޭނާ ފާހަގަކުރެއްވިއެވެ.

މި ފިހާރަ ހުޅުވުމާއެކު، ޢީދު ހެދުން ގަތުމަށް ކުޑަހުވަދޫގެ އަންހެން ކަނބަލުންނަށް ބޮޑު ލުޔެއް ލިބިގެންދާނެ ކަމަށް ބެލެވެއެވެ. "އުޚްތީ" އަކީ އަންހެނުންގެ ފެޝަނަށް ޚާއްޞަ އިސްކަމެއް ދީގެން، ފެންވަރު ރަނގަޅު އުފެއްދުންތައް ހެޔޮ އަގުގައި ވިއްކުމަށް އަމާޒު ހިފާފައިވާ ފިހާރައެކެވެ.

ފިހާރައިގެ އިންސްޓާ ޕޭޖު: https://www.instagram.com/ukhtiboutique.mv?igsh=MWQxaDJ2ZWc4cHo2aQ==

ވައިބާ ކޮމިޔުނިޓީ ލިންކް: https://invite.viber.com/?g2=AQBLTaLuuWUTF1aSQLQ9Sd7%2BdMJ%2F7KCE0NomE%2FYw73O2NIC8icABQ7%2B6xOwbg1Mk