ޓްރީޓޮޕް ހޮސްޕިޓަލުން ދ.ކުޑަހުވަދޫގައި ސިއްޙީ ކޭމްޕެއް ބޭއްވުމަށް ވަނީ ހަމަޖެހިފައެވެ. މި ކޭމްޕް ކުރިއަށްދާނީ 2025 ވަނަ އަހަރުގެ މެއި މަހުގެ 16 އަދި 17 ވަނަ ދުވަހު ދ.އަތޮޅު ހޮސްޕިޓަލުގައެވެ.

މިއީ ޓްރީޓޮޕް ހޮސްޕިޓަލާއި، ދާލު އަތޮޅު ހޮސްޕިޓަލާއި، ދ.އަތޮޅު ކައުންސިލާއި، ދ.ކުޑަހުވަދޫ ކައުންސިލާއި، ދ.ކުޑަހުވަދޫ އަންހެނުންގެ ތަރައްޤީއަށް މަސައްކަތްކުރާ ކޮމެޓީ އަދި މަންތާ އެއަރ ގުޅިގެން ކުރިއަށްގެންދާ ކޭމްޕެކެވެ.

ކޭމްޕުގައި ބައިވެރިވާ ޑޮކްޓަރުންގެ ތެރޭގައި ލޮލުގެ ޑޮކްޓަރު، ހަމުގެ ޚާއްޞަ ޑޮކްޓަރު، ކަށީގެ ޚާއްޞަ ޑޮކްޓަރު، ކަރުން މަތީގެ ޑޮކްޓަރު، ޖެނެރަލް ސަރޖަރީ ޑޮކްޓަރު، އަންހެނުންގެ ބަލިތަކަށް ޚާއްޞަ ޑޮކްޓަރުގެ އިތުރުން ކުޑަކަމުދާ ނިޒާމުގެ ޚާއްޞަ ޑޮކްޓަރު ހިމެނެއެވެ.

ޑޮކްޓަރުންނަށް ދެއްކުމަށް ބޭނުންވާ ފަރާތްތަކަށް ނަން ނޯޓުކުރުމުގެ ފުރުޞަތު ވަނީ ހުޅުވާލާފައެވެ. ނަން ނޯޓުކުރުން ކުރިއަށްދާނީ ހަވީރު 4:30 އިން ރޭގަނޑު 9:30 އަށެވެ. ނަން ނޯޓުކުރުން ކުރިއަށްދާނީ 2025 މެއި މަހުގެ 15 ވަނަ ދުވަހުގެ ރޭގަނޑު 9:30 ހަމައަށެވެ. މި ކޭމްޕާ ގުޅޭ އިތުރު މަޢުލޫމާތު ހޯދުމަށް ބޭނުންވާ ފަރާތްތަކަށް ދ.އަތޮޅު ހޮސްޕިޓަލުގެ ނަންބަރު 6760087 އަށް ގުޅައި މަޢުލޫމާތު ސާފުކުރެވޭނެއެވެ. އަދި ނަންނޯޓް ކުރުންވެސް ކުރިއަށް ގެންދެވޭނެއެވެ.