ކުއްލި ޚަބަރު: ދެ ސައިކަލެއްޖެހި އެކްސިޑެންޓެއް ހިނގައިފި

ދ.ކުޑަހުވަދޫ މާވެޔޮމަގުގައި 2 ސައިކަލެއްޖެހި ނުރައްކާތެރި އެކްސިޑެންޓްއެއް ހިނގައިފިއެވެ.

މަންޒަރު ފެނުނު ފަރާތަކުން ހާމަކުރައްވާ ގޮތުގައި މި އެކްސިޑެންޓް ހިނގައިފައިވަނީ 15:00 ގައެވެ. އޭނާ އިތުރަށް ހާމަކުރެއްވީ ގޯޅިއަކުން ނިކުން ސައިކަލަކާއި މައިމަގުން ދިޔަ ސައިކަލެއް ޖެހި އެކްސިޑެންޓް ހިނގީ ކަމަށެވެ.

މި އެކްސިޑެންޓްގައި އަނިޔާވީ އަންހެންމީހާ އާއި ފިރިހެން މީހާއަށް ފަރުވާދިނުމަށް ދ.އަތޮޅު ހޮސްޕިޓަލަށް މިހާރުވަނީ ގެންގޮސްފައެވެ.

އެކްސިޑެންޓްވީ ސަރަޙައްދުގައި މިވަގުތު ފުލުހުން އަންނަނީ ޙަރަކާތްތެރިވަމުންނެވެ.