ކުޑަހުވަދޫގެ އޮފީސްތަކަށް އަމާޒުކޮށްގެން ބާއްވަމުންއަންނަ އިންޓަރ އޮފީސްތަކުގެ ފުޓްސަލް ޓޯނަމެންޓް 2018 މިރޭ ފެށުމަށް ނިންމައިފިއެވެ.

22 ޖޫން އިން 1 ޖުލައި އަށް ކުރިޔަށް ގެންދާ މި މުބާރާތް އިންތިޒާމްކުރަން ނިންމާފައިވަނީ ކުޑަހުވަދޫ ކުއުންސިލުންނެވެ. 

މިއަހަރުގެ މުބާރާތުގައި ޖުމްލަ 8 ޓީމަކުން ބައިވެރިވެފައިވެއެވެ. ދެ ގްރޫޕް އަކަށް ބަހާލައިގެން ކުޅޭނެ ޓިީމް ތަކަކީ ގްރޫޕް އޭގައި، ފެނަކަ ކުޑަހުވަދޫ، ދ.އަތޮޅު ތައުލީމީ މަރުކަޒު، ޕޮލިސް ކުޑަހުވަދޫ، އިއްތިހާދު 1 (ކައުންސިލް، މީރާ، ދިރާގު). އަދި ގްރޫޕް ބީ ގައި އެމްއެންޑީއެފް ކުޑަހުވަދޫ ޕޯސްޓް، ދ.އަތޮޅު ހޮސްޕިޓަލް، އިއްތިހާދު 2 (ބޭންކް، ކޯޓް، އެމްއާރުޑީސީ)، އިއްތިހާދު 3 (މޯލްޑިވިއަން، އެވްސްކޮމް، ދ.އެއަރޕޯރޓް) އެވެ. މުބާރާތުގެ މެޗްތައް ކުޅުމަށް ހަމަޖެހިފައި ވަނީ ކުޑަހުވަދޫ ޕްލިސް ސްޓޭޝަން ފުޓްސަލް ދަނޑުގައި އެވެ.

މި މުބާރާތަކީ ކުޑަހުވަދޫގައި ހުރި މުއައްސަސާތަކުގައި މަސައްކަތްކުރާ މުވައްޒަފުންގެ މެދުގައި އެކުވެރިކަން އާލާކުރުމާއި ދުޅަހެޔޮ ސިއްޙަތެއްގައި މުވައްޒަފުން ތިބުމަށް ބާރުއެޅުމުގެ ގޮތުން ކުޑަހުވަދޫ ކައުންސިލުން އިސްނަގައިގެން ބާއްވަމުން އަންނަ މުބާރާތެކެވެ.