އެޕަލްއިން ދެހާސް ނުވަވަނަ އަހަރު ބާޒާރަށް ނެރުނު އައިފޯނު 3ޖީ އެސް އަލުން ވިއްކަން ނިންމައިފިއެވެ.

މި ފޯނުތައް ވިއްކަން ނިންމާފައިވަނީ، މީގެ ފޯނުތަކެއް ގުދަނަކުން ފެނިގެންނެވެ. 10 އަހަރު ފަހުން މި މޮޑެލްގެ އާ ފޯނުތަކެއް ވިއްކަން ނިންމާފައިވާއިރު، މި ފޯނު ގަންނަން ލިބޭނީ ސައުތު ކޮރެއާ އިންނެވެ.

ފޯނުތައް ވިއްކަން ފެށުމުގެ ކުރިން ކޮންމެ ފޯނެއްވެސް ރަނގަޅަށް މަސައްކަތް ކުރޭތޯ ވަކިވަކިން ޗެކް ކުރާނެއެވެ.

އޮރިޖިނަލް ޕެކޭޖިންގައި ވާ މި ފޯނުތައް ވިއްކާނީ 41 ޑޮލަރަށެވެ. އެންމެ ފުރަތަމަ އައިފޯނު 3ޖީއެސް ބާޒާރަށް ނެރެ ވިއްކީ 99 ޑޮލަރަށެވެ.

މިއީ އެދުވަސްވަރު އެޕަލް އިން ނެރުނު އެންމެ ވަރުގަދަ ފޯނެވެ. މި ފޯނަކީ 23 މެގަޕިކްސެލްގެ އޮޓޯ ފޯކަސް ކެމެރާއެއް ހިމަނާފައިވާ ފޯނެކެވެ.