މޮނިޓަރިންގެ ހާލަތު ހެލްތް ޕްރޮޓެކްޝަން އެޖެންސީ (އެޗްޕީއޭ) އިން އުވާލައިފިއެވެ.

ގިނަ ބަޔަކު ކޮވިޑް-19 އަށް ޕޮޒިޓިވްވުމާއި ގުޅިގެން ރަށް މޮނިޓަރިންއަށް ލާފައިވަނީ ޑެސެމްބަރ 05 ވަނަ ދުވަހުއެވެ. މޮނިޓަރިންނަށް ލާފައިވަނީ ކުޑަހުވަދޫއަށް ދަތުރުކުރި 2 މީހަކު ޕޮޒިޓިވްވުމާއި ގުޅިގެންނެވެ.

މޮނިޓަރިންއަށް ލުމަށްފަހު ފާއިތުވި ދުވަސްތަކުގައި ރަށުގައިވެސް ވަނީ ރައްކާތެރިކަމުގެ ފިޔަވަޅުތައް ހަރުކަށި ކޮށްފައެވެ.

ނަމަވެސް ވޭތުވެދިޔަ ދުވަސްތަކުގައި ކޮވިޑަށް ޕޮޒިޓިވްވާ މީހުންގެ އަދަދު މަދުވެ ރަށުން ނެގި ރެންޑަމް ސާމްޕަލްތައްވެސް ނެގެޓިވްވުމާއި ގުޅިގެން މޮނިޓަރިންގ ހާލަތު އުވާލާފައެވެ.

އެޗްޕީއޭއިން ބުނީ މިރަށުގެ މޮނިޓަރިން އުވާލާފައިވަނީ ރަށުގެ ހާލަތު ރަނގަޅުވުމާއި ގުޅިގެން ކަމަށާ މޮނިޓަރިންގގެ ހާލަތު އިތުރަށް ދަމަހައްޓަންޖެހޭ އެއްވެސް ސަބަބެއް ނެތުމުން ކަމަށެވެ.